لاہور میں موسلا دھار بارش، ژالہ باری سے نظام زندگی متاثر

لاہور(نمائندہ خصوصی )لاہور میں گرد آلود ہوائیں چلنے کے بعد موسلا دھار بارش اور ژالہ باری سے نظام زندگی معطل ہو گیا ،طوفانی بارش کے باعث لیسکو کے 150 سے زائد فیڈرز ٹرپ کرنے سے متعدد علاقے گھنٹوں بجلی سے محروم رہے۔

بارش و ژالہ باری کے باعث لوگ محفوظ مقامات کی تلاش میں نظر آئے،موٹر سائیکل سواروںنے انڈر پاسز ، اورنج لائن ٹرین اور میٹرو بس کے پلوں کے نیچے پناہ لی جس سے ٹریفک کا نظام بری طرح متاثر ہوا ، بارش سے کئی نشیبی علاقوں میں پانی جمع ہو گیا جس سے شہریوں کو شدید مشکلات درپیش رہیں، راوی روڈ کے علاقے میں سکول کی دیوار گرنے سے 3 افراد زخمی ہو گئے۔