اداروں کی تذلیل سے دشمن کو فائدہ پہنچانے والے مجرموں کااحتساب کریں گے،محسن نقوی

لاہور (خبر نگار) نگران وزیر اعلیٰ پنجاب محسن رضا نقوی نے کہا ہے اداروں کی تذلیل سے دشمن کو فائدہ پہنچانے والے مجرموں کااحتساب کریں گے،نگران وزیراعلیٰ نے کہا پنجاب میں کسی کو اداروں و انٹیلی جنس ایجنسیوں کی تذلیل یا دھمکی دینے کی اجازت نہیں دیں گے۔

سماجی رابطے کی ویب سائٹ ٹوئٹر پر اپنے بیان میں محسن رضا نقوی نے کہا پاکستانی شہریوں کی حیثیت سے اولین ذمہ داری ہے ان عناصر کی مذمت کریں جو پاکستان دشمنوں کو فائدہ پہنچا رہے ہیں،یقین دلاتا ہوں قانون اپنا راستہ اختیار کرے گا اور مجرموں کا قانون کے مطابق احتساب کیا جائے گا۔