سٹاف لیول معاہدے میں پیشرفت،پاکستان منصفانہ ٹیکس وصولی یقینی بنائے،آئی ایم ایف

اسلام آباد:(بیورورپورٹ)سٹاف لیول معاہدے کی جانب مثبت پیشرفت ، آئی ایم ایف نے پاکستان کےساتھ نئے قرض پروگرام پر بات چیت شروع کر دی۔

اعلامیے کے مطابق چیف نیتھن پورٹر نے اپنے بیان میں کہاپاکستانی معیشت کی بہتری کےلئے طویل مذاکرات کیے،13 سے 23 مئی تک بات چیت ہوئی،حکومت آمدن بڑھانا چاہتی ہے، پاکستان میں ٹیکس کی وصولی منصفانہ چاہتے ہیں، توانائی شعبے میں اصلاحات ناگزیر ہیں،لاگت کم کرنے کی ضرورت ہے، مہنگائی کنٹرول کرنے کےلئے مانیٹری پالیسی استعمال کی جائے، سرکاری کارپوریشنز کی کارکردگی بہتر بنانا ہو گی۔

مشن چیف نے کہاسرکاری کارپوریشنز کی نجکاری پر بھی تفصیلی بات چیت ہوئی، پاکستان سے پالیسی مذاکرات جاری رہیں گے، اصلاحاتی پروگرام کا مقصد پاکستان کو معاشی استحکام سے مضبوط و جامع ترقی پر گامزن کرنا ہے۔