خواجہ آصف کا بیان حکومتی پالیسی ہے یا ذاتی رائے؟وفاق واضح کرے ، شرجیل میمن

کراچی :(بیورورپورٹ)سینئر صوبائی وزیر شرجیل میمن نے وزیر دفاع خواجہ آصف کے بیان کو مایوس کن قرار دیتے ہوئے کہا ہے حکومت واضح کرے، خواجہ آصف کا بیان حکومتی پالیسی ہے یا ذاتی رائے؟۔

شرجیل میمن نے کہا وفاقی وزرا کی بیان بازی صوبے کےخلاف سیاسی جارحیت کے مترادف ہے، خواجہ آصف سندھ ،پیپلز پارٹی پر بیان بازی سے پہلے تاریخ، آئین ،پارلیمانی ریکارڈ کا مطالعہ کریں،پیپلز پارٹی کا موقف دو رخی نہیں ،دوٹوک، اصولی و آئینی ہے،سینئر صوبائی وزیر نے کہان لیگ اپنے اتحادیوں کو خوش کرے لیکن سندھ کو قربانی کا بکرا بنانے سے گریز کرے، پیپلز پارٹی نے ہمیشہ وفاق کو مضبوط، آئین کو بالادست اور جمہوری نظام کو مستحکم کرنے کی سیاست کی ۔