اسلام آباد: (بیورورپورٹ) پاکستان ،برطانیہ نے تمام شعبوں میں تعاون بڑھانے پر اتفاق کرلیا۔
نائب وزیراعظم اسحاق ڈار نے برطانوی وزیر خارجہ سے وفود کی سطح پر ملاقات کی ،برطانوی وزیر خارجہ نے مشرق وسطیٰ میں امن کےلئے پاکستان کے کردار کو سراہا ،ملاقات میں سندھ طاس معاہدے ،خطے کی سکیورٹی صورتحال پر بھی تبادلہ خیال کیا گیا۔
اسحاق ڈار نے کہا بھارت کی جانب سے بین الاقوامی ذمہ داریوں کی مسلسل خلاف ورزی ،افغانستان سے پاکستان کو لاحق دہشتگردی کے خطرات پر شدید تشویش ہے۔
صحافیوں سے گفتگو کرتے ہوئے اسحاق ڈار نے کہا میرا دورہ بہت کامیاب ، آئی ایم او میں ملاقات بہت مثبت رہی، بحری جہاز میں پھنسے پاکستانیوں کے معاملے پرتفصیلی بات چیت ہوئی،ملکی معیشت بہتری کی جانب گامزن ہے،کامن ویلتھ اجلاس کےلئے وزیراعظم پاکستان کو دعوت دی گئی،برطانیہ نے امریکہ ،ایران جنگ میں پاکستان کے کردار کو سراہا۔
دریں اثنا نائب وزیراعظم و وزیر خارجہ اسحاق ڈار نے سعودی عرب ،ترکیہ کے وزرائے خارجہ شہزادہ فیصل بن فرحان آل سعود ،حاقان فیدان سے الگ الگ ٹیلی فونک میں خطے کی بدلتی صورتحال، باہمی دلچسپی کے امور اور آئندہ ہونے والے آر فور اجلاس سمیت اہم سفارتی معاملات پر تبادلہ خیال کیا ،ٹیلی فونک گفتگو میںقریبی رابطہ اور مشاورت جاری رکھنے پر اتفاق کیاگیا۔
دورہ لندن کامیاب،برطانوی وزیر خارجہ نے امن کےلئے کردار کو سراہا،اسحاق ڈار
