اسلام آباد:(بیورورپورٹ)جسٹس مسرت ہلالی ریٹائر ،سپریم کورٹ میں فل کورٹ ریفرنس کاانعقاد کیا گیا۔
چیف جسٹس یحییٰ آفریدی نے خطاب میں کہا جسٹس مسرت ہلالی ایک سال سوات بنچ میں بھی رہیں، عام سی گاڑی میں سفر کیا، مسکراتی ہوئی دلیر جج کے طور پر یاد رکھا جائےگا۔
جسٹس مسرت ہلالی نے کہا ججز آتے جاتے رہتے ہیں لیکن انصاف ہمیشہ رہنا چاہیے، ریٹائر ہوتے ہوئے مطمئن ہوں جو کیا وہ میرے والدین کی دعا اور ساتھی ججز کی سپورٹ تھی،پشاور ہائیکورٹ کی پہلی چیف جسٹس ، کے پی سے سپریم کورٹ کی پہلی خاتون جج بنی،خطاب کے دوران جسٹس مسرت ہلالی کی مرحوم والدین کا ذکر کرتے ہوئے آواز بھر آئی اور کہاوالد کیساتھ زندگی کا بہت کم وقت گزارا لیکن سب کچھ انہی سے سیکھا۔
جسٹس مسرت ہلالی ریٹائر ،والدین کا ذکر کرتے آبدیدہ
