قائمہ کمیٹی اجلاس میں عابد شیر علی،ایمل ولی الجھ پڑے،تلخ کلامی

اسلام آباد:(بیورورپورٹ)قائمہ کمیٹی اجلاس میں عابد شیر علی،ایمل ولی الجھ پڑے،نوک جھونک ،تلخ کلامی،اراکین نے بیچ بچاو کرایا۔

ثمینہ ممتاز زہری کی زیرصدارت ہونے والے اجلاس میں گوجرانوالہ میں آدھی تنخواہ ملنے پر سینیٹری ورکر کی خودکشی کا معاملہ زیرغور آیا، ڈی جی ستھرا پنجاب ،گوجرانوالہ ویسٹ مینجمنٹ کمپنی سی ای او اراکین کو مطمئن نہ کرسکے۔

کمیٹی اراکین کی جانب سے سوالات پر سینیٹرعابد شیر علی نے مداخلت کرتے ہوئے ایمل ولی کو کہا آپ ایس ایچ او نہیں ،میری بات بھی سنیں، ایمل ولی نے کہا آپ کون ہوتے ہیں مجھے روکنے والے،عابد شیر علی نے کہا مجھے فرق نہیں پڑتا، میں کوئی غلط بات نہیں کررہا، آپ طریقے سے بات کریں،ایمل ولی نے جواب دیتے ہوئے کہا وہ طریقے سے بات کررہے ہیں، آپ بھی طریقے سے بات کریں۔