ریاستی سطح پر پاکستان میں فرقہ واریت، مذہب کی بنیاد پر کوئی تفریق نہیں:عالمی ماہرین

واشنگٹن (بیورو رپورٹ) ہارورڈ یونیورسٹی میں پاکستان کانفرنس میں مختلف شعبوں سے تعلق رکھنے والے بین الاقوامی ماہرین اور تجزیہ کاروں نے شرکت کی،کانفرنس میں پاکستان سے متعلق مختلف موضوعات پر بحثیں ہوئیں، موضوعات میں پاکستان کی تخلیقی صلاحیتوں، سماجی جدت ، خارجہ پالیسی، ڈیجیٹل ٹرانسفارمیشن ، ثقافت، جدت، بیرون ملک پاکستانیوں کی تخلیقی خدمات، تعلیم، صحت اور میڈیا شامل تھا،کانفرنس میں پاکستان کی آزاد اور متوازن خارجہ پالیسی کی ستائش کی گئی، شرکا نے پاکستان کے ثالثی کردار کو سراہا جبکہ خطے میں بھارت کا جارحانہ رویہ امن کی راہ میں رکاوٹ قرار دیا گیا،شرکاءنے اس بات کا اقرار کیا ریاستی سطح پر پاکستان میں فرقہ واریت اور مذہب کی بنیاد پر کوئی تفریق نہیں، ہندو برادری سندھ کے کاروباری طبقے میں ریڑھ کی ہڈی کی حیثیت رکھتی ہے،پاکستان میں دنیا کے خوبصورت ترین چرچ موجود ہیں، شرکا نے پاکستانی سول سوسائٹی کے فعال کردار کو بھی سراہا۔