دوحہ:(مشرق نیوز)سپر اوور پر فیصلہ،پاکستان شاہینز نے رائزنگ سٹارزایشیا کپ جیت لیا۔
دوحہ میں کھیلے گئے ایونٹ کے فائنل میں بنگلہ دیش اے ٹیم کے کپتان اکبر علی نے ٹاس جیت کر پہلے باﺅلنگ کافیصلہ کیا، پاکستان شاہینز 20 اوورز میں 125 رنز پر ڈھیر ہوگئے،سعد مسعود 36، عرفات منہاس 25 ،معاذ صداقت 23 رنز بناکر نمایاں رہے۔
ہدف کے تعاقب میں بنگلہ دیش اے کی ٹیم بھی 125رنز تک محدود رہی،شاہد عزیز نے 3کھلاڑیوں کو آﺅٹ کیا۔
میچ برابر ہونے پر فیصلہ سپراوور پر ہوا،بنگلہ دیش نے پہلے کھیلتے ہوئے 6رنز بنائے،5سکور وائٹ بال پر چوکے سے بنے،دونوں کھلاڑی 3گیندوں پر چلتے بنے،احمد دانیال نے واپسی کی راہ دکھائی،پاکستان شاہینز نے ہدف 4گیندوں پر حاصل کرلیا،شاہینز پورے ٹورنامنٹ میں ناقابل شکست رہے۔
سپر اوور پر فیصلہ،پاکستان شاہینز نے رائزنگ سٹارزایشیا کپ جیت لیا
