اسلام آباد (مشرق نیوز) سٹیٹ بینک نے تمام بینکوں کو حکم دیا ہے کہ کسی قانونی وجہ، مجاز اتھارٹی کی منظوری اور تصدیق کے بغیر اکاونٹس بلاک نہ کریں۔ سٹیٹ بینک کی جانب سے عدالتی حکم پر عمل درآمد رپورٹ اسلام آباد ہائیکورٹ میں جمع کرائی گئی ہے۔
جسٹس ارباب محمد طاہر نے اسٹیٹ بینک کو اندرونی میکانزم طے کرکے ہدایات جاری کرنے کا کہا تھا۔ عدالت میں جمع کرائی گئی رپورٹ میں سٹیٹ بینک نے غیر ارادی اور احتیاطی پابندیوں سے بھی بینک اکاونٹ ہولڈرز کو نقصان نہ پہنچانے کا حکم دیا ہے۔
سٹیٹ بینک نے عدالتی حکم پر ملک بھر کے بینکوں کو نیا ہدایت نامہ جاری کر دیا ہے۔ مرکزی بینک کا کہنا ہے کہ بینک ہدایات پر مکمل عملدرآمد کیلئے مناسب اندرونی میکانزم بھی وضع کرسکتے ہیں۔
بینک قانونی وجہ، مجاز اتھارٹی کی منظوری ، تصدیق کے بغیر اکاونٹس بلاک نہ کریں: سٹیٹ بینک
