امریکی وفد کا دورہ ای پی اے لاہور ، سموگ کنٹرول اقدامات کو سراہا

لاہور: (اپنے نمائندے سے)امریکی قونصل خانے کے وفد کاماحولیاتی تحفظ کے ادارے (ای پی اے) کا دورہ ،سینئر وزیر مریم اورنگزیب نے سموگ کے خاتمے، فضائی آلودگی پر قابو پانے اور ماحولیاتی نگرانی کیلئے کیے گئے اقدامات پر تفصیلی بریفنگ دی۔

وفد نے ای پی اے کے کنٹرول روم کا دورہ کیا اور فضائی آلودگی کی نگرانی کے جدید نظام، ایئر کوالٹی مینجمنٹ سسٹم ،لائیو اے کیو آئی مانیٹرنگ کا جائزہ لیا۔

مریم اورنگزیب نے بریفنگ دیتے ہوئے کہا نومبر 2024 میں لاہور دنیا کا سب سے آلودہ شہر تھا، وزیراعلیٰ پنجاب مریم نواز کی ہدایات پر موثر اقدامات کے نتیجے میں فضائی آلودگی کی صورتحال میں نمایاں بہتری آئی ،ای پی اے کو اختیارات، وسائل اور جدید ٹیکنالوجی فراہم کی گئی، ادارے کی کارکردگی میں واضح اضافہ ہوا، وفد نے پنجاب اے کیو آئی موبائل ایپ، ایمیشن ٹیسٹنگ سسٹم، آن لائن لائسنسنگ، لائیو لوکیشن مانیٹرنگ ،ونڈ ڈائریکشن و ہیٹ ویو مانیٹرنگ سمیت جدید ماحولیاتی اقدامات میں گہری دلچسپی کا اظہار کیا۔