ایران کا پاکستان، سعودیہ اور ترکیہ سے رابطہ، امریکہ کو مزید حملوں سے خبردار کر دیا

تہران (مشرق نیوز) اسلامی جمہوریہ ایران نے پاکستان، سعودی عرب اور ترکیے سے رابطہ کر کے امریکہ کو مزید حملوں سے خبردار کر دیا ہے۔ ایرانی میڈیا کے مطابق وزیر خارجہ عباس عراقچی نے فیلڈ مارشل سید عاصم منیر سے فون پر رابطہ کیا اور خطے کی صورتحال پر بات چیت کی۔

عباس عراقچی نے سعودی عرب کے وزیر خارجہ فیصل بن فرحان اور ترکیے کے وزیر خارجہ حاقان فیدان سے بھی الگ، الگ رابطے کر کے امریکہ کے ساتھ بڑھتی ہوئی کشیدگی پر تبادلہ خیال کیا۔ ایرانی وزیر خارجہ نے امریکہ کو کسی بھی مہم جوئی پر مبنی فوجی کارروائی سے باز رہنے کا انتباہ دیتے ہوئے کہا ہے کہ ایران اپنی قومی خود مختاری، علاقائی سالمیت اور سلامتی کے دفاع کیلئے مکمل طور پر تیار ہے۔

عباس عراقچی کے آفیشل ٹیلی گرام چینل پر جاری بیان میں مزید کہا گیا ہے کہ ایران اپنے خلاف کسی بھی جارحیت کا فیصلہ کن جواب دے گا۔