لاہور (مشرق نیوز) پنجاب ہیلتھ کیئر کمیشن نے اتائیت کے خلاف اپنی کارروائیاں مزید تیز کرتے ہوئے ماہِ جون کے دوران صوبے بھر میں 2,837 چھاپے مارے جن کے نتیجے میں مزید 646 غیر قانونی علاج گاہوں اور مراکز کو سیل کر دیا گیا۔ ترجمان پنجاب ہیلتھ کیئر کمیشن کے مطابق لاہور میں سب سے زیادہ 457 چھاپے مارے گئے، جہاں 142 اتائیوں کے کاروبار سربمہر کئے گئے۔
دوسری جانب ترجمان نے مزید بتایا گیا کہ فیصل آباد میں انسداد اتائیت ٹیموں نے 123 چھاپے مار کر 32 غیر قانونی مراکز بند کئے جبکہ سرگودھا میں 17، راجن پور میں 27، قصور میں 43 اور گوجرانوالہ و سیالکوٹ میں 23، 23 اتائی مراکز سیل کئے گئے۔
اتائیوں کیخلاف کریک ڈاون، ایک ماہ میں مزید 646 غیر قانونی مراکز سیل
