ملک چلانا اصل مسئلہ،سب ملکر اسٹیبلشمنٹ کے ہاتھ مضبوط کریں گے،زرداری

مورو،نوابشاہ :(مشرق نیوز)صدر آصف زرداری نے کہا ہے ملک چلانا اصل مسئلہ،سب ملکر اسٹیبلشمنٹ کے ہاتھ مضبوط کریں گے۔

مورو میں عوامی اجتماع سے خطاب کرتے ہوئے آصف زرداری نے کہا لوگوں کو معاشی خودمختاری دینا ہوگی، موجودہ دور کے مطابق زراعت میں جدید ٹیکنالوجی کا استعمال و فروغ ضروری ہے،بھارت میں مسلمانوں کیساتھ ہونیوالے مظالم کو میڈیا پر نہیں دکھایاجاتا،سوچنے سمجھنے کی صلاحیت سے محروم بھارت کو ایک ہفتے کی جنگ میں نہ بھولنے والا سبق سکھایا،جہاز گرائے تو عقل ٹھکانے آگئی۔

صدر مملکت نے کہاصرف معصوم پاکستانیوں پر بم گرانے والے 8جہاز گرائے،سب مل کر اسٹیبلشمنٹ کے ہاتھ مضبوط کریں گے، اپنے ہاتھ بھی مضبوط کریں اور ملک کو بھی مضبوط بنائیں گے، ہمیشہ 73 کے آئین کے تحت کام کیے ، بھٹو خاندان کے شہدا نے ملک کےلئے جانیں قربان کیں۔