اپوزیشن مذہبی ٹچ کی بجائے اپنے دور میں ڈھنگ کا کام کر تی تو نام ہوتا، عظمیٰ بخاری

لاہور: (نمائندہ خصوصی) وزیر اطلاعات و ثقافت پنجاب عظمیٰ بخاری نے پنجاب اسمبلی میں اظہارِ خیال کرتے ہوئے کہا کہ موجودہ حکومت نے ہمیشہ پارلیمانی روایات، برداشت اور جمہوری اقدار کا احترام کیا ہے۔ انہوں نے کہا کہ جب ہم اپوزیشن میں تھے تو ہمیں چند منٹ سے زیادہ بولنے کی اجازت نہیں دی جاتی تھی، جبکہ آج حکومت اپوزیشن کو مکمل تحمل کے ساتھ سن رہی ہے۔

عظمیٰ بخاری نے کہا کہ اسپیکر کی کرسی کا احترام ایوان کی روایت اور قواعد کا تقاضا ہے، اس لیے چیئر کے کنڈکٹ کو چیلنج کرنا مناسب نہیں۔ انہوں نے اپوزیشن کو تنقید برائے تنقید چھوڑ کر عوامی فلاح کے لیے مثبت کردار ادا کرنے کا مشورہ دیتے ہوئے کہا کہ پوائنٹ اسکورنگ اور مذہبی ٹچ کے ذریعے سیاست کرنے کے بجائے اگر اپوزیشن ایک بھی ڈھنگ کا عوامی کام کر لیتی تو آج اس کی بھی بات ہوتی۔