نیوزی لینڈ کو شکست،پاکستان کی امید زندہ،سری لنکا کیخلاف بھاری مارجن سے فتح درکار

کولمبو:(مشرق نیوز)نیوزی لینڈ کو شکست،پاکستان کی امید زندہ،سیمی فائنل میں رسائی کیلئے سری لنکا کیخلاف بڑے مارجن سے جیتنا ہوگا۔

کولمبو میں کھیلے گئے میچ میں کیوی کپتان مچل سینٹنر نے ٹاس جیت کر پہلے بیٹنگ کرنے کو ترجیح دی،نیوزی لینڈ کی ٹیم نے مقررہ 20 اوورز میں 7 وکٹ پر 159رنز بنائے،انگلینڈ نے 160رنز کاہدف سنسنی خیز مقابلے کے بعد آخری اوور میں4وکٹوں کے نقصان پر حاصل کرلیا۔

نیوزی لینڈ کی شکست کے بعد پاکستان کی سیمی فائنل تک رسائی کی امید بدستور زندہ ہے،پاکستان کو ہفتے کے روز سری لنکا کو بڑے مارجن سے شکست دینا ہوگی ورنہ نیٹ رن ریٹ کی وجہ سے نیوزی لینڈ 3 پوائنٹس کےساتھ سیمی فائنل میں پہنچ جائےگا۔

اندازے کے مطابق سیمی فائنل میں پہنچنے کیلئے پاکستان کو 65 رنز سے فتح چاہیے،سری لنکا نے پہلے بیٹنگ کی تو مقررہ ہدف 13 اوور میں حاصل کرنا ہوگا۔