کٹھ پتلی بھارتی عدالت نے آسیہ اندرابی کو سیاسی مقدمے میں مجرم قرار دےدیا

سرینگر:(مشرق نیوز)کٹھ پتلی بھارتی عدالت نے حریت رہنما اور تنظیم دختران ملت کی سربراہ آسیہ اندرابی کو سیاسی مقدمے میں مجرم قرار دے دیا۔

دہلی کی عدالت نے آسیہ اندرابی کو دہشتگردی، دہشتگردوں کی مالی معاونت اور دہشتگرد تنظیم کی رکنیت کے الزامات سے بری مگر سازش و حمایت کے الزامات میں مجرم ٹھہرا یا،جج چندر جیت سنگھ نے طے کیا انسداد غیر قانونی سرگرمی ایکٹ کے تحت دہشتگردی کے الزامات ثابت نہیں ہوئے،سیکشن 20 (دہشتگرد تنظیم کی رکنیت)، سیکشن 17 (دہشتگردی کے مالی تعاون) اور سیکشن 121 (ریاست کےخلاف جنگ) کے تحت بری کیاجاتاہے۔

عدالت نے واضح کیا ریکارڈ میں کوئی گواہ ایسا نہیں ہے جو کسی دہشتگرد عمل میں براہ راست ملوث ہونے کا ثبوت دے،آسیہ اندرابی کی تقریریں، انٹرویوز ، سوشل میڈیا پوسٹس مربوط منصوبے کی عکاسی اورکشمیری علاقوں میں غیر قانونی قبضے، علیحدگی پسندی، ملیشیاوں کی تعریف و مزاحمت کی ترغیب دیتی ہیں۔

مقدمے میں حریت رہنما فہمیدہ صوفی ،ناہیدہ نسرین کو بھی قصوروار ٹھہرایا گیا۔