کشمیری کراچی نہیں، لاہور جیسی ترقی چاہتے ہیں: احسن اقبال

اسلام آباد (مشرق نیوز) وفاقی وزیر احسن اقبال نے کہا ہے کہ کشمیر کے لوگ کشمیر کو کراچی نہیں بننے دیں گے بلکہ وہ کشمیر کو لاہور جیسا دیکھنا چاہتے ہیں۔

احسن اقبال نے ورکرز کنونشن سے خطاب کرتے ہوئے کہا ہے کہ بلاول صاحب! کشمیری آپکی اور ہماری جماعت کی کارکردگی جانتے ہیں جبکہ لوگ یہ بھی جانتے ہیں کہ کس کے دور حکومت میں کرپشن کے بازار گرم ہوتے ہیں۔

احسن اقبال کا کہنا ہے کہ 90 فیصد پاکستان لاہور والی ترقی کو ووٹ دیگا، مسلم لیگ (ن) کی کارکردگی پورے پاکستان میں مقبول ہے اور مسلم لیگ (ن) پاکستان کی مضبوطی کی علامت ہے۔