پنجاب کسی کی ذاتی جاگیر نہیں، پیپلز پارٹی کان لیگ کو جواب

اسلام آباد: (بیورورپورٹ) پیپلز پارٹی کی رہنما پلوشہ خان نے ن لیگ کو جواب دیتے ہوئے کہاہے پنجاب کسی کی ذاتی جاگیر نہیں، پنجاب پنجابیوں اور پورے پاکستان کا ہے۔

اپنے بیان میں پلوشہ خان نے کہاراج برطانیہ کمپنی راج کی طرح خود کو بادشاہ سمجھنے والوپانی چیخ چیخ کر تمہاری حقیقت عیاں کر رہا ہے،کیا راجن پور، بکھر، کوٹ ادو، مظفرگڑھ، بہاولنگر اور ڈیرہ غازی خان پنجاب کا حصہ نہیں ؟لاہور میں پانی ہی پانی، دعوے ہوئے کہانی،ترقی کے دعوے اونچے، نکاسی آب نیچے۔

پی پی رہنما نے کہا بارش کے پانی میں مزدور طبقے کی ریڑھیاں، رکشے اور موٹر سائیکلیں بہتی رہیں،قدرت نے خود ہی حکومتی دعووں کی پول کھول کر عوام کے سامنے رکھ دی ، جیسے تیسے کر کے اگر کرسیوں پر قبضہ کر لیا ہے تو کم از کم مشکل وقت میں عوام کی مدد بھی کریں۔